Ert þú að fara að keppa í Fitness?

keppa í fitness

Þegar ég var yngri átti ég allskonar fyrirmyndir, ég átti þó nokkrar og dáðist ég alltaf að fólki sem barðist fyrir réttlæti! Barðist fyrir því að allir stæðu jafnir sama hvað. Fólk mætti velja sínar leiðir í lífinu og okkur ber að virða þeirra val enda ekki okkar að dæma… Eða hvað?

Þegar ég ákvað að byrja að keppa í fitness og fólkið sem að ég hafði alltaf litið upp til fór að gagnrýna mitt val og mínar leiðir fór ég að átta mig á að þetta væri ekki svo einfalt! Var þetta í alvörunni fólkið sem að ég leit upp til og vildi verða eins þegar ég yrði stór? Nei ég var komin aftur í leikskóla….

Skoðum þetta aðeins :
Þetta var fólk sem var að hneykslast á því að við værum að ýta undir útlitsdýrkun en var síðan að gagnrýna okkar útlit. Oji hvað hún er horuð, fáðu þér að borða! Oji afhverju eru þau svona brún?? Þessi lítur nú bara út eins og gleðikona! Þetta eru ekkert nema steraboltar!

Þegar ég síðan benti á að það væri sniðugt að leyfa réttum aðilum að sjá um dóma, þá fékk ég svarið fræga : þið eruð að byðja um þetta! Þú ert að fara upp á svið til þess að byðja um gagnrýni, þú ert að setja inn myndir til þess að fá viðbrögð og fólk á rétt á sínum skoðunum.
Og þegar sama manneskjan sem gekk niður laugarveginn í þeirri baráttu um að konur mættu vera eins druslulega klæddar og þær vildu án þess að verða fyrir áreitti eða sleggjudómum frá öðrum, var ein sú fyrsta sem sagði við mig að við fitness fólk værum að byðja um þetta áreitti þegar við stígum á svið þá missti ég alla virðingur fyrir þeirri manneskju.

En okey hvar á ég að byrja…..
Þessi rök eru svo fjarri lagi, við förum upp á svið til þess að fá gagnrýni frá réttum aðilum, aðilum sem þekkja okkar sport. Við setjum inn myndir því við erum stolt af okkar árangri og viljum deila honum með öðrum, rétt eins og flestir gera sem stunda aðrar keppnisíþróttir.
Fólk á rétt á sínum skoðunum það er alveg rétt en það gefur manni ekki leyfi á því að vera asni og segja hluti bara til þess að brjóta niður! Stundum er gott að bíta bara í tunguna á sér eða setjast á fingur sér og þegja.

Já þetta fékk mig til þess að hugsa og ákveða, ætla ég að hætta í þessu sporti því ég þurfti að réttlæta mitt val og taka þátt í rökræðum sem ég hafði ekki kjark í eða ætla ég að velja það sem gleður mig og mitt hjarta og standa með sjálfri mér?!
Ég ákvað að ég vildi ekki vera sú manneskja sem þrífst á niðurbroti og sleggjudómum yfir öðrum! Eg ávað að ég vildi verða sú manneskja sem myndi ná sínum markmiðum þrátt fyrir að hafa heyrt að hún gæti það aldrei! Ég ákvað að verða sú manneskja sem ég leit upp til þegar ég var lítil!

Ef fitness er fyrir þig, FRÁBÆRT! Ef ekki, FRÁBÆRT! Það skiptir ekki máli hvort svarið þitt er, virðum hvort annað og leyfum fólki að velja sína leið.

Kær kveðja
Margfaldur bikar og Íslandsmeistarinn já sú sem átti aldrei að geta keppt í fitness því hún átti þrjú börn ;*

Leave a Comment

Netfang þitt verður ekki birt. Nauðsynlegir reitir eru merktir *